Yr adran yma

Os ydych yn briod ond yn gwahanu

Os oeddech yn briod neu mewn partneriaeth sifil, gallwch fod wedi gwahanu yn gyfreithiol unwaith y byddwch yn byw ar wahn. Nid oes rhaid i chi fod wedi ysgaru na chael unrhyw ddogfen gyfreithiol ffurfiol, ond gall cyfreithiwr eich helpu i wneud unrhyw drefniadau a wnewch yn ddogfen gyfreithiol rhwym.

Unwaith y byddwch yn stopio byw gyda'ch gilydd, byddwch yn cael eich ystyried fel bod ar wahn at ddibenion treth a budd-daliadau. Mewn gwirionedd, gallwch fod wedi gwahanu'n gyfreithiol ond dal yn byw yn yr un tŷ.

Dwi eisiau cael ysgariad. Beth sydd angen i mi ei wneud?

Er mwyn cael ysgariad, byddwch angen dangos fod y briodas wedi torri lawr yn 'ddiadfer (sy'n golygu bod un neu'r ddau ohonoch yn teimlo na allwch aros yn briod gyda'ch gilydd) a bod gennych sail am ysgariad.

Yna, bydd rhaid i chi wneud cais i'r llys er mwyn i farnwr gytuno bod eich priodas a'r ben. Ond hyd yn oed mewn achos syml iawn gall gymryd nifer o fisoedd cyn y bydd barnwr yn caniatu ysgariad.

  1. Sail am ysgariad
  2. Oes angen cyfreithiwr arnaf?

Sail am ysgariad

Mae pum rheswm cyfreithiol dros ysgaru yng Nghymru a Lloegr (pedwar yn yr Alban):

  1. Mae'ch partner wedi godinebu ac rydych yn teimlo na allwch fyw gyda hwy bellach (nid yw'r rheswm yma yn berthnasol i bartneriaid sifil).
  2. Mae'ch partner wedi ymddwyn mewn ffordd syn golygu nad ywn rhesymol disgwyl i chi allu byw gyda hwy.
  3. Mae'ch partner wedi'ch gadael am gyfnod o fwy na dwy flynedd (Cymru a Lloegr yn unig).
  4. Rydych wedi byw ar wahn am fwy na dwy flynedd (blwyddyn yn yr Alban) ac mae'ch partner yn cytuno i'r ysgariad.
  5. Rydych wedi byw ar wahn am bum mlynedd (dwy flynedd yn yr Alban). Nid oes rhaid cael cytundeb.

Oes angen cyfreithiwr arnaf?

Efallai bydd cael cyngor arbenigol gan gyfreithiwr yn ddefnyddiol i chi os ydych yn ystyried ysgaru. Gallent ddweud wrthych beth yw'ch opsiynau, a'r gost am bob un. Yn y pen draw efallai y penderfynwch eich bod yn well allan yn datrys pethau eich hunain, ond byddwch o leiaf yn deall eich sefyllfa gyfreithiol.

Er mwyn eich helpu i gael cyfreithiwr all eich cynghori os byddwch yn gwahanu, ffoniwch y llinell Cyngor Cyfreithiol Cymunedol ar 0845 345 4345, neu cysylltwch gyda'r ganolfan Cyngor Ar Bopeth drwy eu gwefan, sef www.citizensadvice.org.uk

Ydy partneriaid sifil yn gallu cael ysgariad?

Na, ni all partneriaethau sifil gael ysgariad. Yn hytrach, gallant gael gorchymyn diddymu, sy'n orchymyn cyfreithiol yn dweud fod y bartneriaeth wedi gorffen. Mae'r rhesymau dros ddiddymu'r un fath ag am ysgariad, heblaw am odinebu sydd ddim yn gymwys i bartneriaethau sifil.