Yr adran yma

Help gyda chostau cyfreithiol

Mae Cymorth Cyfreithiol yn helpu gyda'r gost o gyngor cyfreithiol i bobl na allant ei fforddio. Golyga y gallwch gael cyngor gan gyfreithiwr am ddim neu am ffi ostyngol. Bydd eich incwm neu'r math o broblem gyfreithiol sydd gennych yn penderfynu os byddwch yn gymwys am gymorth cyfreithiol.

  1. Cymorth cyfreithiol yng Nghymru a Lloegr
  2. Cymorth cyfreithiol yn yr Alban

Cymorth cyfreithiol yng Nghymru a Lloegr

Yng Nghymru a Lloegr, fe fyddwch yn cael cymorth cyfreithiol i helpu gyda chostau cyfreithiol am wahanu os ydych yn cael:

  • Cymhorthdal Incwm
  • y Credyd Gwarantedig o Bensiwn Credyd
  • Lwfans Ceisio Gwaith yn seiliedig ar incwm, neu
  • Lwfans Cyflogaeth a Chymorth yn Seiliedig ar Incwm.

Efallai byddwch hefyd yn cael cymorth cyfreithiol os:

  • oes gennych gynilion neu asedau werth llai na £8,000, ac
  • mae'ch incwm misol (cyn treth) yn llai na £2,657, ac
  • mae'ch incwm gwario misol (beth sy'n weddill ar l didynnu Yswiriant Gwladol, treth, rhent/morgais a threuliau eraill) yn llai na £733, neu
  • rydych yn dioddef trais yn y cartref neu yn cael eich cam-drin.

Roedd y ffigurau uchod yn gywir ym mis Awst 2009.

Nid yw cael cymorth cyfreithiol yn golygu o reidrwydd y bydd eich cyngor i gyd am ddim. Mewn rhai achosion, golyga na fyddwch yn gorfod talu'r swm llawn.

I'ch helpu i weld os cewch gymorth cyfreithiol, defnyddiwch y cyfrifydd cymorth cyfreithiol ar y wefan Cyngor Cyfreithiol Cymunedol, www.communitylegaladvice.org.uk neu ffoniwch y llinell gymorth ar 0845 3454345

Cymorth cyfreithiol yn yr Alban

Mae'r rheolau ar bwy sy'n gallu cael cymorth cyfreithiol yn yr Alban yn wahanol. Mae dau wahanol gategori o help cyfreithiol ar gael i rieni sy'n gwahanu:

  • Cyngor a Chymorth mae hwn ar gyfer pethau a allai gael eu penderfynu heb fynd i'r llys, fel cyfryngu neu gyngor cyffredinol gan gyfreithiwr. Dim ond os yw cyngor yn costio hyd at £180 y mae i'w gael.
  • Cymorth Cyfreithiol Sifil - mae hyn i gael cynrychiolaeth gan gyfreithiwr yn y llys.

Cael Cyngor a Chymorth

Byddwch yn cael Cyngor a Chymorth yn awtomatig os ydych yn cael:

  • Cymhorthdal Incwm
  • Lwfans Ceisio Gwaith yn seiliedig ar incwm, neu
  • Lwfans Cyflogaeth a Chymorth yn Seiliedig ar Incwm.

Weithiau gallai pobl eraill gael Cyngor a Chymorth. Os oes gennych incwm gwario wythnosol (beth sy'n weddill ar l didynnu Yswiriant Gwladol, treth, rhent/morgais a threuliau eraill) syn fwy na £234 a chyfalaf gwario o £1,639 neu fwy, ni allwch gael Cyngor a Chymorth.

Cael Cymorth Cyfreithiol Sifil

Byddwch fel arfer yn cael Cymorth Cyfreithiol Sifil os ydych yn cael:

  • Cymhorthdal Incwm
  • Lwfans Ceisio Gwaith yn seiliedig ar incwm, neu
  • Lwfans Cyflogaeth a Chymorth yn Seiliedig ar Incwm.

Efallai cewch Gymorth Cyfreithiol Sifil:

  • os oes gennych gynilion neu asedau werth llai na £12,439, ac
  • mae eich incwm gwario misol yn llai na £2084.

Roedd y ffigurau uchod yn gywir ym mis Awst 2009.

Nid yw cael cymorth cyfreithiol yn golygu o reidrwydd na fydd rhaid i chi dalu am gyfreithiwr o gwbl. Mewn rhai achosion, golyga na fyddwch yn gorfod talu'r swm llawn.

I'ch helpu i ddarganfod os cewch gymorth cyfreithiol, defnyddiwch y cyfrifydd cymorth cyfreithiol ar wefan Scottish Legal Aid Board, www.slab.org.uk, neu ffoniwch y llinell gymorth ar 0845 122 8686.