Os oes perygl i chi gael eich gwneud yn ddigartref, mae'n rhaid i chi ddelio gyda hyn cyn gynted â phosib. Y peth pwysicaf i gofio yw bod dal gennych hawliau ac opsiynau.
Mae p'un a fydd rhaid i chi adael eich cartref presennol ai peidio yn dibynnu ar nifer o bethau, fel:
- os ydych yn berchennog neu'n denant
- pryd y symudoch i mewn
- os yw'ch landlord yn byw gyda chi ai peidio
Cysylltwch gyda chanolfan cymorth tai Shelter Cymru neu swyddfa Cyngor Ar Bopeth. Gallant eich helpu i osgoi bod yn ddigartref drwy:
- egluro pa hawliau sydd gennych i aros yn eich cartref
- trin a thrafod ar eich rhan gyda'ch landlord neu fenthyciwr
- eich helpu i wneud cais i gael budd-daliadau i helpu talu'ch rhent neu forgais
- trin a thrafod i ddod i gytundeb ynglŷn â thalu ôl-ddyledion
- trefnu help proffesiynol i ddatrys anghytundeb yn y teulu neu'r cartref
- dod o hyd i rywle arall i chi fyw.
Os byddwch angen cyngor neu gymorth ffoniwch Shelter Cymru ar 0845 075 5005 (8am i 8pm, 7 diwrnod yr wythnos) neu cysylltwch â'r ganolfan Cyngor Ar Bopeth yn www.citizensadvice.org.uk neu ffoniwch y Llinell Gymorth Cyngor Cyfreithiol Cymunedol ar 0845 345 4345.
