Dyma rai ffyrdd i'ch helpu i ddelio gyda gwrthdaro:
- Siaradwch gyda chwnsler. Gofynnwch i'ch meddyg teulu os gallant eich rhoi mewn cysylltiad ag un yn eich ardal.
- Gall cyflafareddu eich helpu i ddod i gytundeb am unrhyw faterion ymarferol fel ble bydd y plant yn byw, cyswllt, arian neu eiddo. Defnyddiwch sesiwn cyfryngu i siarad yn agored ac yn onest am unrhyw faterion dadleuol a chyrraedd penderfyniad ar y cyd am y pethau sy'n effeithio arnoch chi a'ch plant.
Beth i'w wneud nesaf
- Penderfynwch beth sy'n achosi'r gwrthdaro; Os yw'n deillio o boen emosiynol, yna deliwch gyda hynny gyntaf, efallai drwy siarad gyda chwnsler.
- Os yw'r gwrthdaro'n deillio o anghytundebau dros faterion ymarferol, cymerwch gamau positif i'w datrys - gall gwasanaeth cyflafareddu eich helpu gyda hyn.
- Cytunwch gyda'r rhiant arall na fydd eich plentyn yn dyst i unrhyw wrthdaro rhwng y ddau ohonoch.
Stori Trisha
"Roeddem yn dadlau fel ci a chath nes i mi ddod ar draws Lewis yn llefain yn ei ystafell wely ar ôl i
mi gael ffrae gyda'i dad. Daethom i'r canlyniad ein bod yn dadlau yn bennaf am weld y plant a'r ffaith nad
oedd Alan yn talu unrhyw beth at eu cadw. Er ein bod yn dal i gecru rydym wedi datrys yr arian ac mae Alan
yn gweld y plant yn rheolaidd. Mae'r plant yn hapusach o lawer."
Trisha, mam
