Rhaid i chi wneud popeth yn eich gallu i helpu eich plentyn i ddelio gyda'u hemosiynau o ganlyniad i'r ffaith bod eu mam neu dad yn byw ar wahân iddynt erbyn hyn. Rhaid i chi wneud iddynt deimlo'n ddiogel yn y tymor byr a'r tymor hir.
Dyma rai o'r ffyrdd gallech gynnal eich plentyn yn emosiynol:
- Eglurwch ich plentyn nad ydynt yn gyfrifol am y ffaith eich bod wedi gwahanu neu am fod y rhieni'n byw ar wahân.
- Gwrandewch ar farn eich plentyn am eu teimladau, hyd yn oed os yw hynny'n eich gwneud yn anhapus.
- Os yw'ch plentyn yn rhy ifanc i fynegi sut maent yn teimlo mewn geiriau, yna gofynnwch iddynt wneud llun i ddangos sut maent yn teimlo.
- Dylech gydnabod eu bod yn anhapus yn hytrach na cheisio anwybyddu hynny neu wneud iddynt deimlo'n ddibwys.
- Rhowch ddigon o amser iddynt ddelio gydar sefyllfa.
- Gwnewch yn siŵr nad yw eich plentyn yn gorfod gofalu am eich anghenion emosiynol chi.
