Dyma'r camau y dylech eu cymryd os hoffech ddefnyddio'r CSA i sefydlu cytundeb.
Cam 1) Gwiriwch eich bod yn gymwys
Gall ceisiadau i'r CSA gael eu gwneud gan:
- y rhiant neu berson sy'n brif ofalwr dyddiol y plentyn, neu
- y rhiant nad yw'n brif ofalwr dyddiol y plentyn, neu
- os yw'r plentyn o dan 16 (neu o dan 19, mewn rhai achosion)
- plentyn cymwys* (yn yr Alban).
Gall person ofyn i'r CSA am drefniant cyn belled a bod:
- y plentyn o dan 16 (neu 16-19 ac mewn addysg llawn amser (nad yw'n uwch na Safon Uwch neu safon gyfatebol), ac
- mai'r person sy'n gofyn am gael cynhaliaeth plant yw prif ofalwr dyddiol y plentyn ac maent yn byw yn y DU, a
- bod y person nad yw'n brif ofalwr o ddydd i ddydd yn byw yn y DU, neu'n gweithio i'r gwasanaeth sifil, y lluoedd arfog, neu i gwmni wedi'i lleoli yn y DU, ac
- nid oes gorchymyn llys mewn grym cyn 2003, neu mae gorchymyn llys mewn grym ers ar ôl Ebrill 2003 ond roedd wedi ei sefydlu 12 mis neu fwy cyn y cais.
*Mae llawer o amodau. Am fwy o wybodaeth, gweler pwy allai wneud cais i'r CSA ar wefan y CSA.
Cam 2) Cysylltu â'r CSA
Gallwch gysylltu â'r CSA ar 08457 138 091 neu ymweld â gwefan y CSA yn.
Bydd y CSA yn gweithio allan faint o gynhaliaeth plant ddylai gael ei dalu. Mae'r CSA yn cyfrifo cynhaliaeth plant yn seiliedig ar incwm y rhiant nad yw'n brif ofalwr dyddiol i'r plentyn. Gallwch ddefnyddio ein cyfrifydd cynhaliaeth plant ar-lein i gael amcangyfrif o faint o gynhaliaeth plant allai fod yn daladwy drwy drefniant gyda'r CSA.
Gallwch ddarllen mwy am gynhaliaeth plant a'ch opsiynau yn ein hadran Cwestiwn ac Ateb.
