Bu newidiadau cyfreithiol i gynhaliaeth plant yn ystod y blynyddoedd diwethaf. Maent yn effeithio'n bennaf ar rieni sy'n derbyn budd-daliadau ac sydd â phrif ofal am y plentyn o ddydd i ddydd.
Ers 27 Hydref 2008 os mai chi yw’r rhiant sy’n brif ofalwr dyddiol eich plentyn a’ch bod ar fudd-daliadau, gallwch nawr ddewis trefnu cynhaliaeth plant drwy gytundeb teuluol. Os nad yw hyn yn gweithio neu os nad ydych yn gallu gwneud un, gallwch dal ddefnyddio’r Asiantaeth Cynnal Plant (CSA) neu’r llysoedd.
Mae newidiadau diweddar i’r gyfraith yn golygu na fydd arian a gewch am gynhaliaeth plant yn effeithio ar unrhyw fudd-dal gwladol sydd gennych hawl iddo.
Cyn i'r gyfraith newid, os mai chi oedd y rhiant oedd yn brif ofalwr dyddiol a'ch bod ar fudd-daliadau, roedd yn rhaid i chi drefnu cynhaliaeth plant drwy'r CSA. Nid oedd yn bosib dewis peidio, ac yn hytrach, gwneud cytundeb teuluol gyda'r rhiant arall.
Ers 12 Ebrill 2010, mae bob rhiant sy'n brif ofalwr dyddiol eu plant, ac sy'n cael budd-daliadau yn ymwneud ag incwm wedi gallu cadw eu cynhaliaeth plant yn llawn, heb i hyn effeithio ar eu hawl i gael budd-dal.
Cyn i'r gyfraith newid, os mai chi oedd y rhiant oedd yn brif ofalwr dyddiol a'ch bod ar fudd-daliadau, gallai'r swm o gynhaliaeth roeddech yn ei gael fod wedi effeithio ar swm eich budd-daliadau.
